O 2023 foi un ano moi produtivo para Exeria: tocaron nas catro provincias galegas, gañaron o concurso de bandas Trece Roeis Fest, publicaron os temas ' Un novo nome' e 'Ata que sexamos reis' acompañados de videoclips ben recibidos.
E este ano vai ser aínda máis emocionante, con moitos concertos en directo e novos lanzamentos.
Foron elixidos para formar parte das “Sesións de sobremesa”, un formato acústico e en directo ao estilo de “Tiny Desk” e de ambiente distendido, composto por 2 temas inéditos: 'Proletario' e 'Xa esta mal'. Producido por Toxo Verde, conta coa colaboración de voces e pandeiretas de Coral Alonso, Carolina Rodríguez e Sara Alfaya e a experiencia en gravación e mestura de Damian Mo de Lufs Studios.
'Proletario' é unha homenaxe á loita dos modelos que temos na nosa vida cotiá, familiares, amigos ou coñecidos con actitudes valentes e empoderadoras. Dende o traballo desinteresado das asociacións culturais ou ecoloxistas, ata todas as persoas que loitan por manter vivas as nosas tradicións e raíces. Quen queira mellorar o noso mundo ben merece unha canción.
'Xa é mal' fálanos de comportamentos ante os grandes males do noso tempo. O cinismo, o desánimo e a pasividade son habituais na nosa vida cotiá, e aínda que padecemos e sufriremos estes problemas, non hai solucións sinxelas para problemas complexos.
Esta faceta acústica presentarán en Discos Elepé, un local histórico da cidade olívica con máis de 40 anos ás súas costas e que será o punto de partida da xira 2024 que se dará a coñecer proximamente.
'Xa é mal' fálanos de comportamentos ante os grandes males do noso tempo. O cinismo, o desánimo e a pasividade son habituais na nosa vida cotiá, e aínda que padecemos e sufriremos estes problemas, non hai solucións sinxelas para problemas complexos.
Esta faceta acústica presentarán en Discos Elepé, un local histórico da cidade olívica con máis de 40 anos ás súas costas e que será o punto de partida da xira 2024 que se dará a coñecer proximamente.
Exeria
24 Febreiro 12:30h
Presentación Sesións de sobremesa (Acústico)
Elepé Records -Doctor Cadaval 35, Vigo
Entrada gratuíta
O seu último lanzamento en estudo foi Ata que sexamos reis , protagonizada polas máscaras do entroido de perriñas emudos, da aldea de Ribadetea recentemente recuperada polos veciños da vila. Estes esmorgantes aparecían nas casas dos seus veciños pedindo esmolas (perriña) que a miúdo tomaban forma de viño ou petiscos para evitar que fixeran picardías.
Máis información:
